ناس وناس شعر السيد ابوقوره
انا جيت اشوف البشر
واتأمل في طبع الناس
لقيت فيهم المضايق
وفيهم المحتاس
ملقتش فيهم رايق
وكل واحد في هم
ولكل هم مقاس
ناس عندها م الفلوس
تتعبي في الشوال بالفاس
وناس الفقر واكلها
مش لاقيه حق مداس
وناس حاقدة
بتراقب شؤون الناس
وناس قاعدة للحسد
تحت الرجول تنداس
وناس نفسها تتعلم
معهاش تجيب كراس
وناس في لسانها نميم
دول أوطي وأحقر ناس
وناس بتعرف ربها
بتقضي حجات الناس
التعليقات مغلقة.