ناس ..وناس…. شعر حسن أبو عرب
شُوفت فى دنيا الناس
دى مصايب
شوفت مفاتِن سهمَهَا صايب
شوفت .وشوفت
وشوفت عجايب
شوفت الطيب وصفوه عايب
شوفت كتِير
دا نَا يامَا حصَلِّى
ناس بتهِد وناس بتعَلِّى
ناس لحلال وحرام ماتخَلِّى
ناس بتقُش ومش بتخَلِّى
ناس فى الكُون وإلَهُه تفَكَْر
ليل ونهار فى آياتُه تتدَبَر
ناس للشر وقَعدَه تِدَبر
بَخَّه السِّم فى نيلنا تعَكَْر
شوفت الظُّلم وموجُه الغارق
شوفت شريف وصفوه بالسارق
شوفت شيْطَان الإنس المَارِق
شوفت الحَاء للبَاء بتفارق
ناس مش لاقيه فُتَات تِتْسَوَّق
أزمه تهِد وغيرهَا تعَوَّق
شوفت نفاق وكلام متذوق
نلس بتحارب ناس وتُطَوَّق
ناس مفتُونَه بدنيا ولون
عايشَه حياتهَا كِيف ماتكُون
ناسيَه خالقهَا إِلَه الكُون
وان فَنَاءهَا ف كاف مع نون
وان فَنَاءهَا ف كاف مع نون
التعليقات مغلقة، ولكن تركبكس وبينغبكس مفتوحة.