نجاة شعر مدح بقلم الشاعر أشرف يوسف
في ذكر الفنانه والمطربه
الرقيقه أميرة الإحساس
والرومانسيه صاحبة الصوت
الحنون الدافئ الفنانه نجاة
عيون القلب سهرانه
مع الألحان ما بتنامشي
ومين يسمع نجاة قولوا
ويجي الليل ما يسهرشي
مع الأبنودي و الموجي
و بالألحان مع الگلمات
سحرتي قلوبنا فى دقيقه
و متعتينا ياااااه يانجاة
حنون صوتك رقيق جدا
يِدُوبْ وياه أكيد شوقنا
وحبك كل يوم عن يوم
يزيد وبيجري فى عروقنا
تقولي الگلمه بلسانك
ندوب وياكي في المعنى
و يطرب صوتك الدنيا
و بالألحان يمتعنا
ماجاش زيك ولا ح يجي
بوصفك مهما جه يا نجاة
وقولتلنا و غنيتي
وقدمتي حاجات وحاجات
جمال حسك مع الغنوه
يِدَوِّبْ فيه قلوب الناس
و هيا الغنوه إيه إلا
گلام دايب مع الإحساس
وغنيتي
من الشباك و انا خدي
علي الشباك
أنا والشوق وناره الحلوه
بستناك
و فرح الدنيا مستني
ميعادي معاك
گلام عيشناه بإحساسنا
وِدُوبْنَا معاه
و صوتك لسه جوانا
ومين ينساه؟
ياساگنه قلوبنا من بدري
في أحلي حياه
و انا معجب ومن شوقي
بقولك ياااااااه
وانا معجب
ومن شوقي
بقولك يااااه
من ديوان : شاعر ومشاعر
الخميس بتاريخ ٢٠٢٢/١/٢٠م
التعليقات مغلقة.