نداء من مواطن للرئيس عبد الفتاح السيسي :فساد المحليات يا ريس
متابعة عادل محمد حسين
مين اللي سمح للناس تبني مخالف ؟؟
(السادة الموظفين في المحليات)
مين اللي بيقول لصاحب الأرض قبل مايبني ” طول مانا موجود في مكاني محدش هيقدر يقربلك ” مقابل شوية فلوس او شقة او شقتين ويتم كتابة العقود باسم المدام او باسم حد من أخواته.
(السادة الموظفين في المحليات)
سيادتك زعلان من ملف التعديات علي الأراضي .. يبقي تحاسب اللي قاعد علي المكتب ومعاه الأختام القانونيه اللي بيسمح ليهم بالبناء
يا سيادة الرئيس المواطن مش هيبني مخالف منه لنفسه كده .. اكيد اكيد اكيد في ناس بيسندوه وده طبيعي وبيحصل علي أرض الواقع !!
عاوز تحاسب يبقي تحاسب كل اللي أصدر لهم تصاريح وموافقة بالبناء.
وسيادتك تشوف مين اللي صرح ووافق بدخول المرافق وحاسبه .. ياريس مفيش ورقة حكومية بتطلع الا لما بتبرز وكلنا عارفين الكلام ده
ياريس مش كل حاجه المواطن المواطن المواطن .. المواطن مش شيطان والمسئول ملاك.. المواطن مجبر يمشي الامور علشان يشوف مصالحه.. والمسئول بيجبر المواطن انه يدفع رشوه علشان يمشي الدنيا وبرضوا كلنا عارفين الكلام ده
ياريس النهاردة المواطن لو مدفعش رشوة للمسئول .. مفيش حاجه بتمشي وكلنا بنشوف الكلام ده رسمي في الشارع وبقي واقع كمان.
التعليقات مغلقة.