نسمة حياة…بقلم الشاعر المصري أحمد إبراهيم النجار
بعيش الحلم
ف عنيكي واناديكي
برغم البعد والمسافات
وانا الساهر لياليكي
بدوب فيكي
ويعلى النبض م الدقات
يا روح الروح
يا مكتوبه على جبيني
وساكنه ف قلبي
وف عيني
على حدودك بيهمس
قلبي بالهمسات
يا أجمل حلم أحلامي
فى أيامي
يا شوق الشوق
يا حلم وبات
في أحضاني
لا غاب ولا فات
وعايش قصتي بيكي
ده أنا ليكي
حنين مكتوب
بعطر الورد والبسمات
يا بدري العالي يا قمره
بتاج ملكة
اميرة الحسن وسط بنات ملامحك ايه م الخالق
واوصافك
فى نوته جميله م النغمات
وبعشق كل شئ فيكي
زهور خدك مع الضحكات
يا حوريه انا السابح
على بحرك
انا العاشق
جمال سحرك
انا شوقك وانا حبك
وانا العايم على الموجات
انا الهايم وانا الدايب
يا أحلى لحن فى الغنوات
بعيش الحلم
ف عنيكي واناديكي
برغم البعد والمسافات
يا عطر الورد يا وردة
بشوق فرده حنين الحب بالنظرات
يا معني الحرف وجماله
سطور الحرف مواله
بأجمل صورة م الكلمات
يا عطر المسك والعنبر
ولا بقدر على بعدك
ولو لحظات
انا العاشق عبير وردك
وانا والحالم مع الأوقات
اكون فارس على بابك
وازرع ورد اعتابك
واطويكي
فى حضني ساعات
وتجري ساعات
مع السنوات
و لا بنا فى لحظة فراق
نعيش أشواق
وتجمعني لياليكي
وأعيش ليكي واطويكي
ونسكن درب العشاق
أنا وانتي يا روح الروح
يا مكتوبه على جبيني
وساكنه ف قلبي
وف عيني
على حدودك
بيهمس قلبي بالهمسات
بحبك بحبك بحبك
ويعلي الصوت
مع النبضات
وحشتيني وحشتيني وحشتيني
بقلم الشاعر المصري
أحمد إبراهيم النجار
التعليقات مغلقة.