نصفي أخلاقنا
بقلم الفلاح الفصيح معوض حلمي منشأة بطاش تمي الأمديد
دقهلية
كل عام وأحبابي بخير وصحة وسعادة .. سنة سعيدة عدت .. وسنة أسعد جايه
…………………………………………..
شويه علينا ياخلق وياكل البني آدمين
دبحتوا مابينا الحق عنينا بتنزف طين
النور بيشق الليل والطير عاشق للفرح
وسعتوا حدود الجرح ومفيش ياقطين
ياكل الساده هنا والسيدات سامعين
مرت سنه وقبليها مرت سنين
فبلاش نسب الزمن ونسب أقدارنا
احنا اللي مررنا ، والزمن لساه آمين
عايز تصلح في البشر إبدأ بنفسك
إياك شيطانك يهزمك ويزل نفسك
إزرع الخير وارميه في علم الله
في السكه راح تلقاه ولاحد هينافسك
بكره اللي جاي نحضنه ونلم أشلائنا
نبدر في فجره أمل ونصفي أخلاقنا
كترت مابينا الفتن بقينا في التوهان
قوم كسر الأوثان ، وشد في وثاقنا
الكل مليان آسى الكل طالع م الهدوم
الفرح بينا اتنسي والكل شايل هموم
لونا وش الزمن ، بالآهه والدمعه
لافايده ف الجامعه ولادكتوراه وعلوم
لافايده ف الجامعه ولادكتوراه وعلوم
التعليقات مغلقة.