نص الحكايه بقلم سالم أبو شمس
كلمتني بصوت حزين.
قالتلي مالك ياابراهيم ؟!
ولا طابعي معتش عاجبك !
غيروك عني الحريم !
كنت طول عمرك بعقلك.
كنت طول عمرك حكيم.
قولي قلبك حب مين؟!
حب فاطمة ولا فايزة
ولا عينك زايغه فين؟!
قولي مين فيهم في قلبك !
فاطمة قاصر قد بنتك.
ليه كده ضيعت هيبتك !
كنت عملت حساب لشيبتك !
بس تعمل حساب لإيه !!
دا انته حتى صبغت شعرك !!؛
في المرايه شفت نفسك؟!
عرفت هتقول ايه لابنك!
اللي كل يوم يقولك
إنه نفسه ينام في حضنك
بس رد عليه قولي؟؟
عملت ايه علشان تخوني.؟
خدت ورثي ضيعت حقي.
ودلوقت فاطمه حلمك !!
عشت عُمري شايله همك !
نايمه قايمه تحت رجلك.
حسبي ربي شهيد عليك.
روح لفاطمة ومش هسامحك !
التعليقات مغلقة.