نظرة عنيا بقلم شيماء عادل
كل العذاب عشته أنا
في نظرة عنيا لو بعيد
بعشق شرايين الحياه
أغصانها من غير حبنا قابلة لكسر
عشقك ندى باصص علي جناح السحاب
رافض يطاطي لأي حزن
أنا وأنت حبنا مش سراب
اتنين جمعنا العمر ف ايام الشباب
كات نظرتك تروي الوجع
ايام كتير بدلت أوجاعي لفرح
لون نظرتك يفرق معايا كتييير أوي
العمر فات
لكنه راجع يحضن الايام بشوق
عشقاك بصمت يدوب الاحجار فتافيت من لقا
وان كان دا قلبك نار في وداعي وحطب
أنا قلبي جنه تحضن الفرح ف عنيك
وقت أما يجمعنا اللقا
الحب ايه غير نبض ملفوف جوه أغصان السنين
وعيون ماليها الصبر بتنقط آنين
حبيبي لو طول الوجع هيشق ريقي بلهفة الاحضان
اتوضا من طول المحن
واعكف بشوق جوه الضريح
يلي أنت احلام من وجع
بصبر عشان صبرك حلال
يجوز تاخدني لهفتي ونرجع عيال
نحضن سوا الأيام ونكمل هناك
التعليقات مغلقة.