نفسى اسمع كلمات الشاعر السيد عتش الدمنهورى
نفسى اسمع اسمى منك
حتى لو كان غصب عنك
نفسى اكون بحسن ظنك
يبقى يوم للقلب عيد
نفسى اسمع
ف المكان قلبى مكانك
والغرام شايله عشانك
والجمال جمال حنانك
قربك انتى عيد اكيد
نفسى اسمع
انتى نور وعندى ساكن
قلب وف اغلا الاماكن
دى الحقيقة بس لكن
خوفى م الحلم البعيد
نفسى اسمع
انتى عندى نجم عالى
نجم شايل فيه امالى
اسمك انتى اسم غالى
قلبى بيه دايما سعيد
نفسى اسمع
عمرى ما حعرف جفاكى
احلا امل حيكون لقاكى
لو مره يوم ازعل معاكى
بغيرك انتى اكون وحيد
نفسى اسمع
ليلى تعرفى ايه حصلى
دا السكون وقف وقالى
والصبر ليه دايما تمللى
قلت بيه إيمان يزيد
نفسى اسمع
دا انا وانتى نغمه واحده
ازاى انا أعيش ف وحده للوصال مسامعى شاهده
الموسيقى صوت فريد
نفسى اسمع
قلبى مش خايف عليه
بعيونه شافك قالى ايه
للخصال شاورت ايديه
قال انا ف حبك شهيد
نفسى اسمع
التعليقات مغلقة.