نفسي اطير…كلمات أبومازن عبدالكافي .
أنا نفسي اطير
زي البجع
حدش بيضرب
الودع
يعرف يفنن
يا جدع
ولَّا يِوَشْوِش الدَّكر
يلاقيلي ريش
…………….
لكن
حقيقتي إن أنا
مبعتقدش في
الدجل
ولاعمري
كنت بصدقه
دول بس حبة
هلوسة
غيرهم مفيش
…………….
حلوة الحياة زي الغزال
طِعمة أوي ي ي ي …
ف حنك التُّقال
لكن ف حلق المطحونين
مُرَّة أوي ي ي ي …
واهُو أي عيش
……………
رحماك ربي ..
بالضعيف
عاوزين يغلُّولنا
الرغيف
مع إنه من مدة
خفيف
و رضينا !!
قلنا تمام ..
ظريف
لكن الغلا ..
مبينتهيش
أبومازن عبدالكافي .
عبد الكافي فاروق عبدالكافي بدوي .
التعليقات مغلقة.