نفس الگلام …
كلمات أشرف يوسف
٠٠٠(( نفس الگلام ))٠٠٠
شعر غنائينفس الگلام اللى انت قولته
من زمان راح اقوله ليك
قلبي خلاص ما بقاش يخاف
لو عينى جت حتى ف عنيك
فاگر زمان من گام سنه
أيام ما گنا صغيرين
گنت تقابلني بگل شوق
وانا گنت اقابلك بالحنين
وتبصلى من لهفتي
أنسى ساعتها قولت إيه
وبگلمتين اتنين أدوب
معرفش بس ازاي وليه؟
وانا لسه فاكره رعشتي
ولمسة إيديك و اللى جرالي
ما بقيتش داريا اني أنا
ه‍و أنا وغيرت حالي
ما بقيتش حاسه بأي شئ
فى الدنيا دي غيرك و بس
مش عارفه ليه قلبي اللى حبك
وقته‍ا فى ثواني حس
وبقيت ادوب من لهفتي
مع كل شوق ينده عليك
وأگلمك و إيديك فى إيدى
وقته‍ا وعينى ف عنيك
واسرح و الاقي فرحتي
وخدانى بيك لأحلى دنيا
والوقت يجرى لا حاسه بيه
ولا عايزه منه تعدى ثانيه
ودى قصتى وياك يا روحي
فى گل ثانيه عايشه بيها
لا نسيتها يوم انت و لا
قلبى فى يوم ح يقول ناسيه‍ا
و لا قلبي يوم
ح يقول ناسيهاالسبت بتاريخ ٢٠٢١/١٠/٩م
بقلم الشاعر ؛ أشرف يوسف
من ديوان (شروق وغروب)
التعليقات مغلقة.