نموذج مشرف بقلم.حسن أبو عرب
أبويا اللي باع
كل شئ يوم عشَانَّا
أبويا اللي فارد بِحُبُّه الجناح
لَا مَرَّه بيسخَط وِبَيِّن قسَاوتُه
أبويا السفينه وكان الشراع
أبويا اللي ضحَّى
بسعادتُه وهنَاوتُه
نموذج مُشَرِّف
لرحلة كفاح
صفاء نبع قلبه
دا دايما يسَاعنا
في بسمة عُيونه
جناين براح
مشفتش حياتي
فى طيبتُه وهَدَاوتُه
كشجره تظلل
تِصُد الرياح
دا صَبرُه وإيمانُه
وقوة عزيمتُه
كات اكبر سلاح
التعليقات مغلقة.