نهاية العالم بقلم أحمد زيدان البلياتشو
أوشكت الحرب العالمية
علي بدء حياتنا في الكواليس
العالم ب يلم دفاترة
ومازلنا بنلعب في الروضه
انا و الأنتيم الحراميه
وصديقي السيد يبقي بوليس
العالم أوشك علي الإفلاس
والكل بيلعب دور يوسف
وفي نفس الوقت يكون كاهن
تخطيط ابليس
المدهش ليه أصبح عادى
الواحد مبقاش يستغرب
في برومه بتاكل كل جميل
ونهايه العالم ب تقرب
قلبي المستهلك بقا خرده
و انا وانتي ب نحاول نهرب
علي جنه بطلها كان أفتار
بالفكر هناك !
غرقان و بيسبح في الأوهام
محتاج يختار
والمشهد أصبح ما يصرش
ديما محتار
اخترت الشوك اللي في وردك
ومشيت علي جمرك وانا حافي
و الميه في قلب الحنفيه
گ الفرحة
ديما مقطوعه
والنهر خلاص قرب يخلص
وانا وانتي مازلنا بنتحايل
احنا استنينا كتير جدا
علي فرصه
ديما ممنوعه
أزمات بتعدي علينا كتير
وانا و انتي مازلنا نتمني
بالفكرهناك !
أمتي و قعنا لما حلمنا
و الدنيا عنيده و مابترحمش
ممنوع ننكش
و العاكش قافش في الدنيا
وانا و انتي غلابه ومش حاسين
من كتر الضرب اللي معلم
علي طرف حياتنا اللي مضلم ((مظلم))
انا وانتي نسينا اسامينا
ونسينا كمان أننا عايشين
وطريق الصبر طويل جدا
وانا وانتي اكيد شكلنا ضايعين
ورضينا بتوهه نعيش فيها
علي أمتي هنوصل مش عارفين
بالفكر هناك ! كلنا ماشين !
بالفكر هناك ! كلنا تايهين !
بالفكر هناك ! كلنا ضايعين !
شاكرين المولي علي العيشه
كلنا راضين
التعليقات مغلقة.