نور الصباح بقلم سولافا بسيوني .بنت مصر.
دايبة أنا في
نور الصباح
بشوفه القلب
بيه يرتاح
كأني لسه
مولودة حياتي
نبتة على عوده
وتبقى جروحي
موجودة لكنى
بحسها أفراح
بيمحي بنوره
أي جراح
بييجي بضيه
بتحنى وأقابله
بشوقي وأتمنى
ويرسم ضحكة
على خدي
يلمس كفوفى
وأستنى يصحي
الشمس من نومها
تمسح عن الدنيا
همومها وترمي
خيوطها على المية
دي عادة ف بداية
يومها وبدعي
ربنا يدومها.
وأشوفها جايه
كل صباح.
بتاج دهب
وخدود تفاح.
وزهر الفل من
حسنه يخلي
الأرض ديا براح
قولوا للنهار
ما يمشيش.
في وجوده
بتنفس وبعيش.
دي ساعاته
حتى ما بتكفيش.
وليل البعد فيه
قسوة وفيه
الفرحة مابتجيش
بدونه مفيش
لا سعد جاي
ولا أفراح.
ولا في الدنيا
دي برتاح.
غير لما بيجيني
بضيه ومين قده
ومين زيه كام
ساعة فيهم
بتهنى وأرجع
من تاني وأستنى
نورالصباح .
التعليقات مغلقة.