نور ونار بقلم شاعرة البحر إيمان رضوان
في الف معني من العذاب
مع حلم عاش لكن سراب
كل اما اغمض والتقيه
بطير معاه فوق السحاب
وكأن كل الكون بعيد
وانا عايشة دنيا ف الغياب
افتح عنييا وبشتهييه
والمس نجوم مالهاش اثر
وخيال ياخدني كتير بعيد
واعيش معاه جوا القمر
ما انا اصلي كدبة من الفرح
ما بين هموم ويا الجراح
تركيبة تعني من الوجع
مع قلب طفل بنبضه شاب
انا روح سعيدة بتبتسم
وتتقسم في الوحدة
بين أربع حيطان
جدران تشوفني وتبتكر
عشاني نور وسط الضلام
انا نور ونار قلب اتظلم
رافع رقبته للحياة رغم الهزيمة
والندم لكن مقالش ف مرة أه
أنا طير غريب ملقاش وطن
ولا حتي لاقي طوق نجاه
ولا مرسا يتعب م الآلام
يرتاح عليه بعد الغياب
جوايا رافض الانهزام
ودموعي تشكي للأله
يعدي ليل بعد العدم
مع طفل شاف النور وتاه
أنا مين وفين عايشة أنا
أنا عايشة بس بدون حياة
التعليقات مغلقة.