نوم العواف ياعرب …. بقلم رزق جادو – مصر .. دمياط.
نوم العواف ياعرب
إصحوا من النوم ياعرب
واتوحدوا في وجه الخطر
سايبين بلادكوا بتتنهب
واخواتكوا فيها بتنضرب
ولاعاد لانفط ولادهب
ولا ضهر فيها الاانكسر
ادي العراق كله اتخرب
وسوريا بعده بتحتضر
فلسطين بتصرخ من سنين
القدس فين وغزه فين
وليبيا فين يامسلمين
لبنان حزين حتي اليمن
عرب صحيح أخر زمن
حتى السودان طالوه كمان
لسة مين الدور عليه يتنهب
راح فين ضميركوا ياعرب
ياللي قلبكوا من حطب
إصحوا من النوم ياعرب
واتوحدوا في وجه الخطر
إجلوا عقولكوا من العطب
فكوا الكمين اللي إتنصب
التعليقات مغلقة.