هاتولى غربال خواطر نشوه شبانه الملقبه حنين
اغربل خطايا الزمن
وكل خاين لم يؤتمن
وكل حلم دفعت فيه التمن
غربلوا حب السنين
ولا عشق كان انين
ولا لحظات الوجع
شفت بعيني كل البدع
غربلوا حتى الضمير
ال. مات وكتير ضرير
غربلوا صفحات حياتنا
وقلوب مريضه سبب مماتنا
شفتوا ورق اليانصيب
شفتوا فاجر بيدعى التنصيب
شفتوا كافر بالعشيره
يدعى الطهر سيره
شفتوا بنت عالرصيف
دمها سايل نضيف
شفتوا قتل عالملاء
حلم بنت واتسرق
شفتوا بنت بتتوئد
من ابوها ال. اتهبل
شفتوا كسره الشباب
ولا حكاوى النت يا خال
ولا فضايح. وعرى كمان
أنا ولا شاعر ولا فنان
أنا إنسان موجوع ف زمان
ضاعت فيه النخوه يا خال
وبقى الشرف ف خبر كان
أنا حزنان. أنا ندمان. أنا كنت العاشق الولهان
جوه زمان مليان اوزار
يوم عملولى. زفه وزار
قالوا ملبوس في اسرار
قالوا ده طبيعى عاش اهوال
او بيدور عالمحال
التعليقات مغلقة.