“هاشعل بااارود “
شعر سيدة القصاص
وحياة دموعي اللي ملت نهر
الوجود…
وحياة حشايا
اللي سجد لجلن تعود
فجيت لي ملفوف ف العلم
محمول….شهيد
ماسك بإيدك جنتك
هاني وسعيد
ما هاسيب حقوقك يا ولد
لازمن تعود
وهاجيب كمان حق البلد
هاشعل بارود
وهادمر الوغد
الوضيع …وهاقيده نار
دول سُبَّة ف جبين الزمن
حبة “قطيع”
وازرع مكان روحك فنار
زيناه ورود
وحرف اسمك هانسجُه
للنيل شعار يتغنى
بيه اللي اتولد ومازال رضيع
واللي مسيره يتولد
في كل دار
يتشد عودهم يزأروا زي الأسود.
.
التعليقات مغلقة.