هبطل شعر…شعر جيهان النجار
ومش هاكتب ..
قصايد شعر
من تاني رومانسية
ولاحتي
هاروح لحروف
تشوف الحب
ف عينية
عشان فيه حروف عفاريت…
شقية…وبنت جنيَّة
بتفهم يعني
ايه الحب….
عارفه القلب
عامل قد ايه فيا
كفاية كلام
بيمشي برجله ع المية
كلام واصل
وله كرامات
سليم القصد والنية
كلام مبروك
تقلب فيه يزيدالعشق يبقى
بطاقة شخصية
انا بطلت شعر
غرام
هابدل كلمتي
الغام
افجر روحي
ف الغربة
واقطّع شوقي …وطنية
حبيبتي الفكرة
مجهولة
هاجربها مابين
الأصل… والصورة
هامررها على
معنى يكون فيه الوطن .؟ملكي
يكون الأمر
فيه شوري
يكون الحب فيه
شرعي …..بحرية
أنا بطلت شعر نساء
معادش ف القصيدة حياء
هاقول الحق من
عند الألف……… للياء
مادام سكتو اللافندية .
التعليقات مغلقة.