هتسافر بيك ياما الدنيا بقلم السيد ندا
هتسافر بيك ياما الدنيا
هتشيل وتحط
وهتبقى قواعد اللعبة
كالفار والقط
وإن مرة كسبت متفرحشي
دي عليك هتحط
وإن مرة خسرت متزعلشي
هتديك باللوط
اجمع منها كتير أو ازهد
كوِّم عوِّم اطلع نُط
آخرك كل دا وهتسلم
ولا حتى فانلة ولا شورت
لو كنت حقيقي شاطر ومذاكر
وفاهم ألاعيبها طول الخط
عمرك ما تطلع منها الخاسر
عمرك ماهتخسر فيها ولابونط
التعليقات مغلقة.