هرطقه …بقلم منصور عز الدين محمد
اول لما انت قربتلى فرحت برضاك
لاني حبيت و كل حبيب و له اطماعه
و دلوقتي بحبك لكن اعرف نواياك
ودتني معرفتي بيك لحدود القناعه
مش هسأل وصلك عني ايه غيرك
ما وصلك غير حاضر سمعا و طاعه
و انت تمرمر دنيتي بهدووء تحييني
ساعه و تموتني بقسوتك ساعه
منين و انا جايلك و فى عز فرحتي
تكسرني و تكون بمنتهي البشاعه
بتشوفني دايما بعين الشك مهما
قلبي يتوسلك مصمم على اوجاعه
غرك غلاك و كتر كلمه لبيك خلاك
تشوف قلبي عندك زي اى بضاعه
انا لا طمعان فيك ولا عاوز احبسك
عاوز رضاك طمعان فعيونك شفاعه
تفهم قلبي و تقدر لوعته و ترحمه
لما بان عشقه ليك و بان لك اندفاعه
تذكرني اتذكرك تنساني انساك للوصل
وصل و للوصل طبعا اسباب لانقطاعة
هرطقه منصور
التعليقات مغلقة.