هروب قلبك بقلم شيماء عادل

شايف هروب قلبك
زي الحمام طاير
ببتبعد المسافات
وتسيبني ليه حاير
هات العتاب ف كتاب
و عاتبني ما تسيبنيش
ألمي ف بعدك زاد
والقلب من خوفه
ساب المسافه تزيد
فاتح بيبان قلبك
دخلت ف اسرارها
و خوفي منك يوم
تعلي اصوارها
وارب ف بابك حبة
واجعلني ليك صاحب
دا القلب من غيرك
معدوم بلا صاحب
حضنك ما بينجيش
ولا مره كان قشايه
طاير بحلم بعيد
مسحوب بخوف الليل
فاكر دموعي زمان
دا العند كان منك
قلبي العليل عشمان
يكون ف يوم سرك
قطعت كل الحبال
وما عادش شي موصول
قلبك بيهرب ليه
طاير لشى مجهول
وانا قلبي كانلك بيت
وقت الظلام ليك نور
القلب مل البكا
ما عادش متعشم
فردت ليا الجرح سجاده
وقلتلي عدي
عشمتني
والعشم
صدقته من جهلي
كررت نفس الغلط
وقلت مش ذنبي
قلبي الغشيم صايم
عن كل شيء الااك
بدعي تكون مبسوط
وانت لقلبي هلاك
ما تقولي ليه سايب
حبك دمار ليا
خد مني كل الحب
ارميه ف بحر الغرق
و اوعدني وعد الحر
ما يعودش يوم ليا