هل هلالك …بقلم الشاعر /محمود فوده
يا وحشني آذانــه وتواشيحــــه
وهواه وطقوســــه وتفاريحــــه
والليل بالزينــــــه بقى منــــــور
شهر القـــــرآن يا جمال روحـــه
نقــــــرأ ونرتـــــل فـي القـــــرآن
وتلاوته تزيدني تقــــَى وإيمـــان
تسابيح في الليل ودموع بتسيل
في خشوع طول ليلك يارمضـان
أيامـــــك كلهــــــــــا بركه وخير
وقلوبنا معاك بإيمانــــها تسيــــر
فــــي أمــــان الله دايماً نلقــــاه
يهيـــدنا ونحمـــــــده ع التقدير
شهــــــر القــــرآن شهــر الغفران
فيه رحمه وعتق من النيـــــران
دا ثوابه عظيــــم من رب رحيم
سلسل إبليس مــــع كل الجـــان
هنصــــــوم أيامــــــه اللي علينا
وقيـــــــام الليـــــل يشفـــع لينا
صلــــة الأرحـــــــام بركة لايــام
وتــــــــــداوي آلام باتت فينـــــا
قـــــــرب يا اللي إنت بتعصيـــه
إدخــــــــل بيت ربك تلاقيــــــه
فرحــــــان بوجــــودك قدامــــه
إبكي له فـــــي ليلك وناجيــــــه
زيـــــــح همــــــك بالاستغفــــار
إرجـــــــع عن ذنبــــــك بقــــرار
يا تعيش تتمنـــى فـــي رضــــاه
يا تموت وجـــزائك فــــي النــار
شهر الصـــوم جــــــالك واتمنـى
يغفـــــرلك وتعيش فــــى الجنه
شـــدد في الحيـل إوعاك لتميل
لهـــــواك وتقولـــــي انا هستنـى
رمضـــان خيــــره دايماً موجود
من كـــــرم الله فيـــــه ويجــود
بس إحنـــــا نصفـــي اللي ما بنا
ونعاهــــد ربنـــــــــا ما نعــــــود
من ديوان إبنك يا مصر
التعليقات مغلقة.