همسة عتاب…تهاني بركات
اتقابلنا و طال بينا السكات
و شفت في عينه دمعه
و كام همسة عتاب
كام نظرة حايرة
زي الرصاص عدت حواجز
و في قلبي باتت
عدت ثواني ،، يمكن ساعات
و الصمت خيم على الزمان
مالقيتش غير كلمة وداع
و جوايا ميت سؤال
حبي ليكي كان فارد جناحه
عدى السدود و غير حدود
و رسم لقلبك في الفضا
بستان و دنيا صغيرة
خلى المجرة تحت أمرك
كان نفسي أعيش جوه قلبك
ليه دلوقتي عايش بجرحك
من الوجع بقول كرهتك
رغم أني لسه بتنفسك
كل ما أغمض بلمحك
تنزل دموعي
و أحلف بقسوتك
لما أشوفك أسألك
ليه قلبي تاه في سكتك
و حبي ليك مالوش تمن
و أرجع أحارب فيك الحنين
و أقول أسيبها للسنين
يمكن يعود بينا الزمن
١ / ٣ / ٢٠٢٢
التعليقات مغلقة.