هنا فلسطين…شعر اشرف الشناوى شاعر عامية البرامون. المنصورة
بحبك موت
ياحته في قلب
عشاقك.. بنشتاقك
يانجمه بتضوي في الضلمه
ياأجمل حاجه ياحلوه
حروفك تيجي مية غنوه
وخلت للوجود معنى
بنتفرق تجمعنا
تلم الشمل
وفي ثانيه تسمعنا
كلام م القلب شبعنا
ياصبح بيعدي وف كفه
يلم الخلق يتلفوا.. ويدفوا
وتحكيلهم في حدوته .. وملتوته
ياأجمل لحن عالنوته
يامهره في السبق عايقه
ياحره ماحد يركبها.. ويلجمها
دي حره في عرضها
ودينها
وفي الميادين
تلاقي في أول الصفحه
كتاب الدين
هنا فلسطين……..
التعليقات مغلقة.