هنت عليك…لابس قميص مقلوب بقلم سيد جعيتم
هنت عليك وقوام
دخلت بينا شيطان
نساك محبتي
ونسيت اللي كان
وبالضبه والمفتاح
قفلت صفحتي
العشق كان مكتوب
ولا كنت أنا داري
ولما وقعت يادوب
ما قدرت انا اداري
وقلت عمري ما اتوب
دا الحب مقداري
مشيت وراك داير
بين القلوب حاير
لابس قميص مقلوب
والعقل بار معطوب
وبقيت ابات مغلوب
ولا يوم أبات غالب
بعتلك متين مرسال
يسألوا عن الأحوال
لا جاني منك جواب
ولا كلمة تحي امال
ولا حتى جالي عتاب
يطمن قلبي اللى انفطر
ليه رحت عني بعيد
وعمال تقول وتزيد
في كلام كتير وتعيد
مع انك اللي هجرت
و مشيت ولا عبرت
ولا قلت حتي سلام
بقلم:
سيد حعيتم
جمهورية مصر العربية
التعليقات مغلقة.