هو كان يعني برضانا
بقلم زينب عبد الكريم
لما جينا واتولدنا
واتشاطرنا الدنيا ديه
وعشنا
هو كان يعني برضانا؟
لما وعينا وكبرنا
واحلام كتيرة تاهت منا
ولما اعز الناس فارقنا
وباعدته الدنيا عنا
هو كان يعني برضانا؟
ولما الغربه هدتنا
ومن مر كاسها جرعتنا
وزي مرجيحه لاعبتنا
ودتنا ……وجابتنا
هو كان يعني برضانا؟
ان بعدنا..وعالقلب دوسنا
او كدبنا ومرتاحين قولنا
ان خفينا الوجع ونكرنا
ومن نص الدمع ابتسمنا
ابقى اعرف انه والله
كل ده كان غصب عنا
ولا معقول نرضى احنا
يبقى الموت هو اختيارنا
التعليقات مغلقة.