هي الكون بقلم أحمد زيدان البلياتشو
من اجمل الأقدار
هو دخولها في حياتي
و بشكر فضله علي كونك
ياست الحسن مولاتي
سبحانه من صورك ايه
يا ست الناس يا قمرايه
انا ماملكش غير سعدك
يا سعد العمر و منايا
يا شتوايه يا نسمة صيف
و ضلايه بتحميني
يا دين و عقيده للعشاق
بنبض القلب تحينيي
انا عيل و كان تآيه
لحين شافك
لقي أمه
و اكون ك اللي كان مهموم و زال همه
يا كل الكون انا موافق اكون عيل
مادام انتي تكوني أمه
يا نون النسوة بجمالك
و واو العطف بحنانك
يا شكل سكون
و كون ساحر في قلب الكون
يا شط و مرسي و سفينه
بيتجلي علي خدك
شعاع الشمس
و بتخلي النهار مكسوف
يا حضن خريف
انا بردان بدون حضنك
فلو كنتي تضميني
دفاكي ربيع
انا موافق بإني أضيع
و تلقيني و تأويني
تكوني الملجأ الأوحد
وانا وحدي أعيش فيكي
أنا بالحب هاكفيكي
هكونلك شمعه سهرانه
و نسمه تلطف الاحساس
هكون فيكي بكل الناس
التعليقات مغلقة.