هي دي هي الحياه
جمال زكي عينر
هى دي هي الحياه
فيها بسمة وفيها آه
يوم بتبقى الدنيا لينا
واغلب الايام علينا
مهما روحنا ومهما جينا
مهما علينا وبنينا
برضه هنفارق الحياه
هي دي هي الحياه
الحياه زي السفينه
كل يوم ترسى فى مينا
وأما بتحط ف مدينه
فيها فرح وفيها زينه
فجأة تيجي رياح لعينه
تقلب الأمواج ويبقى
كل واحد فى اتجاه
هى دي هى الحياه
الحياه فرح وجراح
يوم سقوط ويوم نجاح
يوم هنا ورزق وفلاح
يوم تنام مكسور جناح
والشطاره ماتقولشى آه
هي دي هي الحياه
الحياه على كل لون
يوم فى عز ويوم تهون
يوم فى عقل ويوم جنون
جانا مال جبنا البنون
عمرنا له منتهاه
هي دي هي الحياه
يبقى ليه كده كل يوم ؟
فى مشاكل فى هموم
ليه نعيش دايما خصوم ؟
ليه نعاتب ليه نلوم ؟
واحنا عارفين جي يوم
تنتهي فيه الحياه
هي دي هي الحياه
دنيا نظمها الاله
بقلمي الشاعر جمال زكي عينر
التعليقات مغلقة.