هي مرة
بـ قلم أسـمـاء الـبـيـطـار
عاتبتك بدل المرة مرتين
و التالته كانت محبة
و قولت يا بت ابقي على اللي فاضل
لجل حبال المودة
لكن لقيت طبعك قاسي
و قاطع كل طرق الرحمة
كان ظنك إني هفضل أهاتي !
منين جبت الثقة دي يا غالي ؟
أصل اللي اتربي على الكرامة
جايز يطاطي مرة
لجل الأصول
لكن صدقني
هي مرة
و ما تلومني
علشان الأصل غلاب
و الكرامة متصانة
و تاج فوق الراس
و الأصول بتقول
هو العتاب مرة
و ما تعيد الكرَّة
و اللي باقي عليك
هيحط عتابك ف عنيه
من أول مرة .
/ مُجرد خاطرة /
التعليقات مغلقة.