وإذا بليتم فاستتروا… راحيل أبوزيد
بالرغم من اني متابعة سيئة جدا للتلفزيون
خاصة برامج التوك شو
الا اني من وقت للتاني بتابع احد البرامج خاصة المختصة بتقديم المواهب
بتكون لطيفة ومسلية لكن انزعجت جدا من برنامج (Arabs got talent )
ونفسي اسأل وبعيدا عن نظرية المؤامرة اللي تحولت لحل سحري للإجابة علي اي سؤال
ليه دايما حريصين علي تقديم نماذج مصرية تتسم بالهبل والهطل وانعدام الكرامة والغباء
( ماستر كراتييه والسندريلا) ( ومسز ليسن أوباما)
علي سبيل المثال
هم بيدخلوا ناس مالشارع عالتصوير علي طول
والا في لجنة بتقابل الناس وتفرز قبل مايطلعوا عالهوا
بجد دمي بيغلي وضغطي بيعلي لما بشوف النماذج ياللي بتشوه صورتنا كمصريين قدام العالم بالشكل المبتذل ده
هافترض منتهى حسن النية انو المقصود الشفافية والمصداقية
لكن في قاعدة بتقول
(درء المفاسد يبدي عن جلب المصالح).
التعليقات مغلقة.