واجب شعر.. رضا أبو الغيط
بعد الحرب ما خلصت واجب
ندي تحية لجيشنا الغالب
اللي ف حرب أكتوبر علم
كل الدنيا معني الواجب
واجب نهتف ونقول تحيا
ام الدنيا وناسها الصاحية
تحيا وتحيا ومليون تحيا
مصر الغالية .. أم الواجب
واجب نهتف للي جابولنا
حقنا من أنياب العايب
واللي ف عز الضهر خدولنا
تار أولادنا وعملوا الواجب
واجب نحمي الأرض بروحنا
ونقيد فيها .. شموع أفراحنا
ونقول واجب.. يبقى كفاحنا
علشان مصر وأغلى حبايب
التعليقات مغلقة.