واحد عادى بقلم..مروه محمد عبد اللطيف
تبان صادق لكن في الاصل
من جواك واحد كذاب
عيونك كلها حكايات فبطل
بس تداري في ضهر الباب
ياعامل نفسك الاراجوز
ولامم جنب منك دول لسان مشلول
ووش خجول وبعض عُفار علي الكشكول
وكام حبايه من بنادول
والف سؤال وقولنا وقال
علي ده الحال بتستنظر يمر الحول
وتفضل بردو متعلق في أخر دور
وفاكر نفسك الفاهم
وعايش نفس ذات الدور
وتطلع وحدك السكران
وبردو هتفضل المسطول
وسانن كل سكاكينك وكل الدنيا
هتدينك فاتطلع وحدك المقتول
بلاش تتغر واحسبها متنجرش ورا خيبتك
وتجري ياعم بالمشوار في اخر السكه كراستك
ومكتوب فيها درجاتك وواخد
جنب منها نيشان بأنك كنت يوم دلدول
ماتتعلقش في النوه
دي لما بتهدي من الاعصار
بيفضل منها اشلائك طلعت ياعيني
من الكارثه واحد مسعور
سوادك لونه كان داكن
وكنت لوحدك الساكن في هذا الدور
ياواخد من السنين طوره متفرحشي
هتقلب كل يوم صفحه واخر صفحه مكسورة
وبردو في اخر الدوره بحالك كنت حد فخور
متتحنجلش وتصمم بواقي سنينك
البايشه في اخر اللفه مفحوره فا خليك
عادي ايه يعني متعملشي فيها الزرزور
ومتقلبش احزانك وخد بالك
ماضيك مطلعلهوش صورة
متحلفشي بأنك بالنصيب
راضي وانك كنت حد صبور
وتفضل تحكي عن ايام
ماكنت عايشها في الماضي
وحالك كان واخد مخمور
دي سكه ولما توصلها هتلقي هوان
وناس عودتها الخذلان
وذل وقهر وحكاوي بدون حرمان
وعمر اداري ورا اوهام
وقلب انصاب بقاله زمان
فاكان عندي اهم سؤال
وهل فعلا تبان انك بشر
عادي وواحد من بني الانسان
جوابك كان يادوب نظره وكام تعبير
كأنه ماكان وواخد الدنيا في البصره
ولو عايز تكون كسبان بلاش تحلم قوي
ببكره وغير هذه الفكره وحط يقين بأنك
عايش السكره لانك مت من بدري
وعدي عليك سنين وايام
وبردو هتفضل الواخد علي التوهان
ويبقي ضميرك الميت
يحاول يبتدي يافلان
وهل ممكن تصدقني
مكنتش مره والله واحد عادي
ولا حتي هتقدر تبقي يوم انسان
التعليقات مغلقة.