واقف جيش
بقلم معوض حلمي
إحنا ياصاحبي من الحرافيش
وأنا درويش
شايل كل حروفي وسارح
قاصـد أي مقـام للكلمـه
أنا متوضي المعنى الطارح أي سنابل
تملى عجاف القلب بريش
لاجل أمان النور السارح يجي وهالل
جايب لينا رغيف العيش
وانت عارفني تملي ياصاحبي
من وانا باحبي
بادعي يشقشق نور الحق
عايش زق ف زق ف زق
رافض كل دعاوي الطيش
ورافض إني أعيش تهميش
باحضن شعري وانام ع الخيش
باوصف كل هموم الحاره
واهب قلمي يصد الغاره
وواقف جيش
واصحي حروف الشعر النايمه
جوا جروحي وقلب الشق
باجيبها وباغزل بيها
ف وش الزيف
كلمة لأ
لأ .. لأ .. لأ .. لأ .. لأ
التعليقات مغلقة.