والله زمان … شعر عبير عبد المنعم
معانداني الحروف؛ والشعر..
رافضني وبالتلاته كمان
رميت حبري على ورقي
فبان لي ع السطور عنوان
قريت السطر واتعجبت
لاقيت مكتوب لي….. (والله ) زمان
حوار من نار ودار بينا
رفضت الدمع والأحزان
وقلت يافرح في الحضرة
ياكل الجمع يتاخر
تنام جوا القلم ساكت
وانا هتلف في النسيان
سمع لي الشعر؛
متربي….
وراح كاتب…………..
هنا الأوطان
لاقيت دمعي بحور هلت
وبان حزني وحزنه بان
التعليقات مغلقة، ولكن تركبكس وبينغبكس مفتوحة.