وبحلف بقلم.. مسعد البحراوي
وبحلف كل مابشوفك
بأني لاشوفت قبلك عشق
ولا كان مره لي دقات
ببات في الفرشه بتقلب
واغمض عيني مقدرشي
أفارق نفسي وامشي لك
وبين الخطوه والتانيه
أتمم بك خمس صلوات
لا قلبي لحظه تاب عنك
ولا حسيت هوى غيرك
مسيرك تلعني بُعدي
وبُعدك ينتهي ف حضني
يسافر بالغَزل والشعر
يفرق ع البشر تسابيح
لسانهم يذكرك آيات
فُتات الخبز يكْفيني
دا لمّا أغمسه بريقك
خيالك عاش يِمَشيني
يماشيني ويمّْشيني
إلى ماصرت كالناسك
في محرابك
عشان أنعس دقيقه اخدك
سبع لفات
رُفات الخلق من بالك
مسحته براحة الراحه
برغم ماشوفت يوم راحه
لكني بعترف لله
بأني عشقت من أجلك
عشقت الصبر مع إنه
بيكوي مشاعري نحوك كيْ
عشقت الليل ورغم انه
نسيت وياه شعاع الضي
عشقت الهجر ولأنه
مخلاش حد غيرك حي
عشقت الصوم عشان إنه
في فمي اسمك منابع مَيّ
يالفظ من السما وزّْنُه
يعادل اللي راح والجي
وبحلف كل مابشوفك
بأنك إنتى كل العشق
التعليقات مغلقة.