وبيسألوك ياحمار بقلم.رضا ابو شنب
وبيسالوك ياحمار هو انت ليه زعلان
عمال بتلعن ليه. وتسب في السلطان
بتشكي من غير سبب. وتقول كمان غلبان
اصلك قليل الادب. ملعون ابوك يا جبان
عمال بتاكل علف. ومن العلف بتبان
بتحس ليه بالقرف. هو انت يابني حصان
ياحمار ومين فهمك. انك تكون انسان
وان التعامل هنا. بالحسنى والاحسان
عايز تعيش وسطنا. تدفع كمان وكمان
وتسبب هدومك لنا. علشان تعيش عريان
وأن قولت من حقنا. هنموتك عطشان
الأرض دي ارضنا. من جدنا النعسان
طول عمره بيحبنا. وبيملي في الخزان
وانت يادوب عندنا. واحد من الصبيان
ترفع ودانك لنا. علشان عويل خيبان
وتشيل كمان همنا علشان نعيش في امان
قال الحمار وابتسم. عجبي عليك يازمان
داماكنشي والله العشم. يتقال عليا جبان
انا ياما شيلت الغنم. ولعبت ويا الجان
و مهما زاد الألم. بيزودو الاوزان
محسوب كاني الصنم. أو طير بنص لسان
وحياتي زي العدم. ولا عمري في الحسبان
انا زي كل البشر. وسط البشر بتهان
وانا مهما اشيل الغجر. بيركبولي ودان
راضي بحكم القدر. ولا كنت عمري حصان
وبشيل جميع الغفر. وأجرى وانا التعبان
من كتر شيل الحجر. ضهري صبح تيوان
وسألت كل الشجر نفسك تكون انسان
رد الشجر في ضجر واتخضت الاغصان
لو عودي يصبح حجر احسن ما يبقي شيطان
احسن ما يبقى شيطان
احسن ما يبقى شيطان
التعليقات مغلقة.