وتشكي لمين؟! كلمات / أبومازن عبدالكافي
ومكتوب لك
تعيش في الهم ..
من بدري
ومربووووووط ..
يابني في الساقية
وداير بيها متغمي
ولو مرة .. في يوم تغضب
ودمك في النفوخ يضرب
تقول الآه .. ومن قلبك
بعلو الصووووت
ماحدش ..
في الورى سامعك ..
على الخديييييبين ..
يسييييييل دمعك !
كتير مخاليق كدا زيك
وشرحك برضه مربوطين
وشايلين الهموم فدادين
وناس تانية هنا ..
نايمين ولا داريين
وكالأنعام وفي الدنيا ..
هنا عايشين
وناس تانية بتدعيلك
وبيك حاسين
لكن إيدهم ياوِلد العم
قصرانة .. ومش طايلين
وتشكي لمين وتحكي لمين
وكل الناس في عزبتهم !
بقوا مساكين
يادوب اللقمة بتكفي
وياما كتييييييير….
يناموا جاعانين
وتشكي لمين ؟!!
التعليقات مغلقة.