وحتجيني بقلم جمال زكي عينر
وحتجيني
وحتحاول تراضيني
واقولك روح انا نسيتك
نسيت الهجر والوحدة
وتعب القلب ومناهدة
صالحت خلاص انا سنيني
وحتجيني
وحتحاول تعيد تاني
وتوصل ودنا تاني
لكن هتلاقي مني الصد
وقسوة وذل مالهوش حد
واقولك روح بقى انساني
وليه تيجي ؟
ما دام عارف هموم قلبي
وانا لا بداري ولا اخبي
غضب قلبي على قلبك
وحسرة قلب يوم حبك
يا فرحة رايحة ما بتيجي
روح انساني
خلاص اعلنت عصياني
ومش حارجع اليك ابدا
ومش راح احن لزمانك
وهمسة حب في كلامك
لغدرك مش هاعود تاني
وروح ما تجيش
خلاص قررت إني اعيش
حياتي احلى من دونك
مانش محتاجة لوجودك
ده يوم ما احتجت لحنانك
تقوللي خلاص ماعادش مفيش
بقلمي الشاعر جمال زكي عينر 
التعليقات مغلقة.