وحشانى ياسمره بقلم : محمد الشناوي الشيوي
مزرعتكيش سوسنه
ولا قلتلك قمره
ولا قلتلك بساتين
في عيونك الحلوين
قلبى شرب خمره
ياأم الخطاوى سنين
مين قدى حبك مين
وحشانى ياسمره
لأفرش ضلوعى
لضحكتك
وأبدرك أنغام
وازرع كفوف السما
وقت السحر أحلام
يلمحنى طرف الليل
سهران حدا باله
صعب عليه حالى
وكلام كتير قاله
نستنى موالى
كان قاسي فى الأحكام
قالى تدوب فى ترابها
وبين عنيك تحميه
وتصب قول السمط
تحت رجليها
ففتحت قلبى سكك
تسبى النظر خطاويه
تسمع أيات البوح
كالشهد من فيها
تسكن ملامحك غوى
وتفسرك عبارات
ولسه يكون الرضا
غير لوتموت فيها
رجموك ياقلبى العوازل
قلبك صدف ومحار
قولك وفى سكوتك
سائر كما الأنهار
وأنا من بطين الأمل
شافنى الالحزن
فأحتار
فسمعت صوت الأذين
بيقولى يامسكين
إشرب حروف إسمها
مع عشبتين زعتر
قلب الحنين أخضر
مع عترها الفواح
فسهرت أعد السحب
بل الندى رمشى
فمشفتنيش منى
كيفى عملى صراح
تقل الخطى بيا
بوح العيون فضاح
مزرعتكيش سوسنه
ولا قلتلك قمره
أنا قلبى ليكى
دوبنى دوب الهوى
فخدينى ليكى جناح
ياأم العبير فواح
وحشانى يا سمراء
التعليقات مغلقة.