وحشانى يامه بقلم.. أحمد شاهين
وحِشنى عيش أمى
ورغيفها بالسٌكر
كانت تشيل همى
أنساه ولا افكر
تحضٌننى طرحتها
تخطفنى فرحتها
صوتها وضِحكتها
أحلى من السكر
يا زمان ماهوش راجع
خٌدنى هناك عندها
ليه تفوتنى بمواجع
تحرمنى من حٌضنها
على حِجرها نايم
وأحلف ما انا قابم
دى البدر ونسايم
والمِسك والعنبر
زمنك يا أمى جميل
كان كله بركه ورضا
بتسهرى بالليل
بتِعشقى الفضفضه
تحكيلنا حكاياتك
يا محلا أوقاتك
صحينا وحياتك
م النوم لا نتأخر
وحِشنى عيش أمى
ورغيفها بالسٌكر
التعليقات مغلقة.