وحشاني وانا معاكي
معوض حلمي
مصر هيه براح وسعنا
وهيه ضله ف حضن نيل
قلبها الطيب يساعنا
خيرها طارح سلسبيل
…………………………….
……… وحشاني وانا معاكي ……….
…………………………………………….
الأولة ..
رحال وطالت غربتي ودفتي عنيكي
نفسى تخلص رحلتي واطير حواليكي
وحالي لو مال شراعي في إيديكي
إمتى يروق الحال وارسى ف موانيكي ..
والتانية ..
دايب بشوقي أنا وعاشق غناويكي
ياوردة في البستان بدمي أرويكي
وافرد جناحي أمان م الريح واغطيكي
والبحر لو غضبان هاعوم واعديكي ..
والتالتة ..
أحلف يمين الله وحشاني وانا معاكي
ولاعنكي قلبي تاه وعيوني عشقاكي
ياخدني القمر ف حماه على بالو أنساكي
أسهر .. أنا .. وياه .. وروحي .. وياكي ..
الرابعة ..
عاشق جمال النيل بالليل على شطو
ماشيه البنات قناديل على قلبي بيخطوا
حتى الطيور تراتيل إيجوا هنا وحطوا
فردوا السما مواويل وبنورها يتغطوا..
الخامسة ..
قلبي لوصالك سرح إكمنه حب وناوي
راكب جناح الفرح طاير وجايلك غاوي
قومي للي انجرح ياحلوه مدي الخطاوي
قابليه وبالإحساس .. طبطبي ودادى
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.