وحشتيني كلمات الشاعر / أشرف الشناوي
وحشتيني بجد كتير
ونفسي في حضنك الدافي
في ليل امشير
وحشتيني كتير جدا
وحشني الضي في عيونك
واحس اماني في وجودك
وحشني غناكي في الزحمه
ياأجمل صوره للرحمه
وحشتيني كتير يامه
دا موتك فركش اللمه
ياأجمل حته م الجنه
وحشتيني قوي خالص
ياقلب ياقوته م الخالص
ياروح وخدانا جواها
بنعشقها ونهواها
ياحجر يساع أمانينا
يطبطبنا يداوينا
وحضن يساوي مية مينا
وليه قررتي تسيبينا
ومين غيرك يرسينا
ينسينا الوجع والاه
ياأجمل قلب عشت معاه
وحشتيني قوي بالله
وحقك يامه فوق راسي
هاجيلك يامه واحكيلك
وحشني نور قناديلك
ومين غيرك سند قلبي
ويرجعني على السكه
رضاكي يعادل الحجه
يابحر وشطه م الرقه
مفيش وقة حنان بعدك
ولا حدش فتح بابي
دا عشقك يامه مش عادي
وحشتيني بجد كتير
وقلبي خلاص حلف بعدك
ماعدش يطير
وقلبي خلاص حلف بعدك
ماعدش يطير……….
التعليقات مغلقة.