وحلم بخيل متحلمشي…شعر عبير عبدالمنعم
متين لفة على لفة
وماشي كتير بيتكفى
ومش عارف زمانه ضاع
وحلمه عسير بيتخفى
من الليل اللي رافض نوم
وعاوز لون عيون تحفة
عشان الحلم يتقضى
عاوز له ليل يكون فضه
بخور جاوي وعين عفريت
وطاسة بتمنع الخضة
عشان الحلم يسمح لي
اعدي وبابه يفتح لي
هجبلة دموع من المره
وكام اهه وبالمره
راح امشي فوق صفيح
ساخن
وادوس ع الجرح لو ساكن
هينزف حلمنا العايق
يفز الصبح ع الرمشي
يقول صاحي مبتنامشي
اقول الاه متين مره
ده حلم بخيل ميحلمشي
التعليقات مغلقة.