وخدني غياب …بقلم وحيد علي الجمال
أنا لافف قلبي بسلفان
و فانوس من زينة رمضان
بتغطي وبفضل عريان
بمشاعر زمن الخذلان
و بارود متشوق للنار
موصول بحرارة الأحضان
و قصايد شاربه الأحزان
بتدوب مع سيرتك دوبان
و سهر على حبة سرحان
و خصام للنوم سجان مسجون
كوابيس مع جان خيالات أفلام
ودموع ع الخد تفور ما تنام
و عيون مصلوبة على الشباك
تاهت في الشيش المتوارب
ازاي علشاني بيتحارب
و يسيب الحلم يطير طيران
و الليل سكران شارد بردان
و جعان أشواق بيدور دوران
على كعب عقارب دبلانة
مع ساعة الصفر الهربانة
مفرود الكف كأنه اتلف
على ألف سلام مركون
ع الرف
راسم تواريخ أعمار بتشف
و منعت الوقت علينا يلف
والعمر اصطف في قلب الصف
كل المسافات بعتت جوبات
علشان السر يموت في السر
الخطة أ هي كملت و اكتملت
وعناصر أوجاعي اندمجت
والقنبلة باتت على بابك
منصوبة في شبكة عصيانك
و عناد بيكبر في ظنونك
أن الغفران مرفوض يتفصل
من توبك
مافضلشي كتير يستحمل
صمتك وهروبك
لسه الكهان واقفين
مانعين إني أشوفك
آخر إنذار قبل البركان
أنا واقف مستني نزولك
و كأن نزولك هيكذب
تعويذة قلبي العطشان
أنا حالف لو شفتك يعني
راح أغمض برموشي و أضمك
و أداوي جراحي المدفونة
و أونس نفسي المسجونة
بحروف و قصايد ممنوعة
و أنا مهما كتبت عن الصورة
تغلبني حقيقة أوجاعي
متسلسل بكياني في روحك
متشعبط داخل بروازك
وكاني حقيقتك ومجازك
فتافيت بيجرحني ازازك
الشرخ في جملة احلامك
بيخدني غياب رغم حضوري
التعليقات مغلقة.