وداعا عزت العلايلى
بقلم عبدالله الهوارى
فارع كما النخيل وضيه زى قمر هادى
القول عليك يا جدع
قالوا قول
قلت
حاقول ايه؟
ولد بهم بلده معجون عجن
ع الصحبة ع الوعد
ع الإخلاص
طب ما خلاص
الارض مش هيا الارض
والعرض بقى ف الارض
بيدارى وجعه ف خجله
والصورة مكسورة بالطول والعرض
وعبد الهادى
بيلمع الشاشة
بمنديل ورق
المركب فرق
جنح ف البحر كما مهر
هزل حصان العمر
وبقى زى عليل مش لاقى دوا
سنين يا هوا
لا كلمة ولا مرسال
الوجع حصرى
الميت ولدى
وكنيتى المصرى
طول عمره
واخد طبعه من لونه
لمعة عيونه ف الضى
كلاكيت حصرى
مرسوم على وشوش الغلابة نور
مركب ماشى ف بحور
مهما على الموج فوق هواه
يجرى
الجرح طاب وطبطب
الوداع يا الجدع
على كتفى جه طبطب
الوجع جوة الضلوع ساكن
راحل بعيد لكن
ف القلوب عايش متسلطن
الحزن لونه داكن
والفرح ع الطريق بيبهت
ارحل واطمن
مهما تغيب يا عزت
على تتر الحياة متسطب
……………. ..
رحم الله فنانا الكبير
التعليقات مغلقة.