وداع يا بليغ…رثاء في الموسيقار العبقري الراحل بليغ حمدي شعر أشرف يوسف
قوام يا بليغ فارقت خلاص
و طيفك فجأه ودعني؟!!!
واديني بقول و قلبي حزين
ياريتك گنت تسمعني
نغم عودك بيبگي دموع
و أوتاره بتشجيني
و قصة إننو نتقابل
خلاص بقي حلم بيجيني
ورغم انك فارقت خلاص
لگن جوا القلوب موجود
و سامعك و انت بتغني
و نازل دندنه بالعود
عملت گتير من الألحان
و نغمك گله حنيه
و تبقي الغنوه من لحنك
حقيقي بألف أغنيه
و لو غنيت يدوب صوتك
مع الگلمات و گان ه‍ادي
وإحساسك مع الغنوه
ما گانش بجد شئ عادي
و ما سمعتش في ألحانك
للحن بيشبه التاني
عشان فنان بإحساسك
وصوتك يحلا فى وداني
و ليك مع گل أغنيه
تقولها بالنغم بصمه
في غنوه بترسم الدمعه
و غنوه بترسم البسمه
ودا إحساس ودا إحساس
نحسه معاك يا أغلي الناس
يا باقي جوا في قلوبنا
برغم انك رحلت خلاص
وداع يا بليغ بقولهالك
و گان أملي فى ليلة رجوع
و من إمتي اللي راح يرجع
و ألف قدر يقول ممنوع
الخميس بتاريخ ٢٠٢٢/١/٦م
بقلم الشاعر : أشرف يوسف
من ديوان : شاعر و مشاعر
التعليقات مغلقة.