وداع 20 وقبله سنين
بقلم أحمد إبراهيم النجار
وداع 20 وقبله سنين
من الأوجاع
حروب ودمار
وفجر نهار ومتقيّد
وليل غدار ومتسيّد
يا طول الصبر
يا سيّد
يا متسيّد
وعايش عيد وبتعيّد
وجوع واكل جسد ميّت
وطفل رضيع
بيصرخ جوع
ونزله دموع
وقلب الأم ده موجوع
وشيخ ساكنه
في عينه دموع
وليل مفجوع
وواكل حبة القمحه
فتات مبدور
وتعلى قصور
حصار على شعبي العربي
وفاض صبري
وسيّدنا يعيش
تموت اطفال
في ظل حصار
وجوع تشريد
ونار بتقيد
وسيدنا يعيش
يموت الشعب العربي
وسيدنا يعيش
على اشلاء فقير وضعيف
بيبكي أنين
وسيدنا يعيش
وقالوا حصار وقولت لمين؟
تعيش ملايين
على الهامش
وديب ناهش
حدود سوريا حدود ليبيا
حدود لبنان
صومال بغداد
يمن والقدس الضايعه
ومعاها جولان
وجوع واكل من الأموات
في ظل ظلام
حصار في حصار
وفجر نهار هنا ميّت
يا طول الصبر يا مالك
خيوط فجري
يا طول الصبر
يا سارق فتات حلمي
يا طول الصبر يا عاشق
تشوف دمعي
وانا ميّت فى حضن امي
وداع 20وشكرا ليك
على التشريد على الأموات
وداع 20وشكرا ليك
على الأوجاع
وداع 20وشكرا ليك
على التطبيع من الأوغاد
وداع 20وشكرا ليك
على دمعة رضيع محتاج
يعيش في امان وحقه يعيش
في حضن مكان
يكون دافي وطن حاضن
وعيش كافي بدون أحقاد
بدون ارهاب بدون صراعات
ولا خاينين ولا اسياد
بتتحكم فى قوت الغير
يعيش الطير ولا يفارق
في يوم وطنه
ويزرع يبني وف ارضه
بدون اسياد
وكان حلمى اشوف الخير
وزمن الخير خلاص اهو فات
وداع 20بكل اهات
بكل ضياع بكل خداع
بكل رسوب وداع 20
التعليقات مغلقة.