وردة بقلم بهاء اللبودى

يا أجمل وردة بالدُنيا
شافتها عيون
وضيّ بأرضي في العتمة
دا مهما يكون
“بحبك .. قد حجم الكون”

كلامك .. كل يوم عني
بيسمح .. أو بيحرمني
أبات في عينيكِي متهني
سعيد ممنون

وألاقي حاجات تطمني
بتسبق ظني و تغني
بشوفك نور بيحضُنى
بشكل حنون

“بحبك .. قد حجم الكون”

يا عود الورد متقولي
واخدني لفين
يا خد البدر سلمني
منابي حنين

كياني بيعشقك ضمة
وجودك سر للهِمة
وصوتك لحن قُدامنا
بيبني حصون

“فحُبك .. كنت أنا المجنون”