وردة شعر أشرف يوسف
شعر مدحفي الفنانه القديره الراحله
ورده الجزائريه
گلمات : أشرف يوسف
يا ورده قوليلي يا ورده
أجيب زيك منين ورده؟
و نار البعد فى غيابك
و لا بترحم و لا بتهدى
وحشتيني و طال شوقي
وحبك يجرى فى عروقي
و بحر دموعي غرقني
و موجه عدى من فوقي
و صورتك لسه فى عنيا
وصوتك همسه فى وداني
وبين صورتك وبين صوتك
بلاقي الذگرى وخداني
أعيش بيها ودمعي يسيل
لحد ما دابت المناديل
و انا سهران و مش قادر
على بيعادك و ليلي طويل
وحتى فى حلمي واناصاحي
بعيش دايما مع جراحي
و اقول لعنيا إمتى يا عين
فى يوم تهدي و ترتاحي؟!!!
و گل ما احس بغيابك
يا ورده النار بتگويني
واقول إمتي ولو فى الحلم
أشوفك مره و تجيني
و اعشم نفسي برجوعك
و عارفك مش مقابلاني
و من إمتي اللي راح بيعود
يا ورده و يجي من تاني؟
يا ريتني ف حلم مش أگتر
ما يبقاش جد و حقيقه
گفايه تعبت فى غيابك
و عيشته دقيقه بدقيقه
وعيشته دقيقه
بدقيقه
السبت بتاريخ ٢٠٢١/١٢/١١م
بقلم الشاعر : أشرف يوسف
من ديوان : حگاية حب
التعليقات مغلقة.